اسلام آباد۔6جنوری(اے پی پی) د قائد اعظم پوهنتون په زده كوؤنكو او فېكلټي غړو مشتمل 51 كسيز پلاوي د پارليمنټ هاؤس تدريسي دوره وكړه۔ د سېنېټ سېكرټرېټ لخوا د جاري شوي بيان له مخې د سېنېټ اعلی چارواكو پارليمنټ هاؤس ته په راتللو پلاوي ته هركلے اووې۔ پلاوي د سېنېټ ميوزيم دوره وكړه چرته چې ورته د سېنېټ په تاريخ جوړه كړې شوې ډاكومنټري ورته وښودلې شوه۔ پلاوي په مېوزيم كښې د هېواد د نوموړو سياستمدارو په مجسمو او تاريخي عكسونو كښې خوښي ښكاره كړه۔ پلاوي ته په بېنکټ هال كښې د سېنېټ د تګلارې او د قانون سازۍ عمل په اړه بشپړ بريفنګ وركړے شو۔ وروستو زده كوؤنكو د سېنېټ هال دوره هم وكړه۔ د سېنېټ چارواكو زده كوؤنكو ته د سېنېټ د كار په اړه بريفنګ وركړو۔ پلاوي په تود هركلي كولو د سېنېټ چارواكو مننه كولو سره دا دوره يوه يادګاره او ګټوره تجربه وګرځوله۔
