اسلام آباد-11 جون (اي پي پي) هلندڙ مالي سال دوران جولاءِ 23ع کان مارچ 24ع تائين تيل جي کپت ۾ گذريل مالي سال جي ان عرصي جي ڀيٽ ۾ گهٽتائي واقع ٿي. جاري اقتصادي سروي 24-23ع مطابق گذريل سال جي ان عرصي ۾ تيل جي طلب 13.3 ملين ٽن رهي هئي جيڪا هلندڙ مالي سال دوران 12.3 ملين ٽن رڪارڊ ڪئي وئي آهي. تيل جي طلب ۾ گهٽتائي هاءِ اسپيڊ ڊيزل، پيٽرول ۽ فرنس آئل جي طلب ۾ کوٽ سبب ڏسڻ ۾ آئي آهي، جيڪا اسان جي مجموعي طلب جو 95 سيڪڙو کان وڌيڪ آهي. هلندڙ مالي سال دوران ان عرصي ۾ پيٽروليم شين جي مجموعي طلب 17.5 ملين ٽن رهي آهي.
