اسلام آباد – 07 – آڪٽوبر (اي پي پي) اطلاعات ۽ نشريات واري وفاقي وزير عطاءُ الله تارڙ جي خصوصي هدايت تي ڪي پي هائوس ۾ ڪوريج دوران زخمي ٿيندڙ نجي ٽي وي جي رپورٽر اصغر حيات کي پرنسپل انفارميشن آفيسر مبشر حسن پنهنجي نگراني ۾ شفاءَ انٽرنيشنل اسپتال منتقل ڪري ڇڏيو. ڪي پي هائوس ۾ وهيڪل اسٽاپر جي اوچتو ڪري پوڻ سبب اصغر حيات جا ٻئي پير بري طرح زخمي ٿيا جنهن کي فوري طور تي پولي ڪلينڪ منتقل ڪيو ويو جتان کيس سي ڊي اي اسپتال منتقل ڪيو ويو. اطلاعات ۽ نشريات واري وفاقي وزير عطاءُ الله تارڙ جي فوري هدايت تي پي آءِ او مبشر حسن پنهنجي نگراني ۾ کيس شفاءَ انٽرنيشنل اسپتال منتقل ڪري ڇڏيو. پي آءِ او پاڻ ايمبولينس ۾ کيس شفاءَ انٽرنيشنل اسپتال وٺي ويو.
