اسلام آباد 01 مارچ (اے پی پی) د سېنېټ ټاكنو لپاره به د قامي اسمبلۍ هال(نن)د جمعې په ماښام الېكشن كمېشن ته سپارلې شي۔الېكشن كمېشن د قامي اسمبلۍ غړو لپاره د سېنېټ ټاكنو كښې د ووټ اچولو په اړه ضابطه اخلاق او ځينې بندېزونه لګولې چې له مخې به يې د قامي اسمبلۍ هال يوه داخلي دروازه پرانستې ساتلې شي۔د ټولو غړو لپاره به د اسمبلۍ سېكرټرېټ د اړخه جاري كړې كارډ لازمي وي كوم هم غړي ته به د موبائل وړلو اجازه نه وي٬ووټنګ به سبا د خالي په ورځ سهار 9 بجو نه تر ماښام څلور بجو روان وي۔د زيارت په ورځ د قامي اسمبلۍ غونډه كښې سپيكر غړو ته ووئيل الېكشن كمېشن د قامي اسمبلۍ هال د پولنګ سټېشن په توګه د كارولو سپارښتنه كړې ٬ دا هال به د جمعې په ماښام الېكشن كمېشن ته سپارلې شي۔په دې مهال نواب محمد يوسف تالپور ووئيل دا هال تل د سېنېټ ټاكنو لپاره د پولنګ په توګه استعمالېږي٬دا ډول بندېزونه كوم جواز نه لري۔سپيكر ووئيل د خالي په ورځ به د قامي اسمبلۍ په هال زمونږ كنټرول نه وي دا به د الېكشن كمېشن سره وي
