اسلام آباد۔16اکتوبر(اے پی پی) د شنګھائي مرستې تنظيم سرمشريزه غونډه كښې ګډون كولو له د ازبكستان وزيراعظم عبد الله اريپوف پاكستان ته راورسېد۔ په نور خان ائيربېس د توان وفاقي وزير سردار اوېس احمد خان لغاري مېلما وزيراعظم ته هركلے ووے ، په دې موقعه روايتي جامې اغوستو ماشومانو وزيراعظم اريپوف ته ګلدستې وړاندې كړې۔ مېلمه وزيراعظم لپاره سور قالين خپور كړے شوے ؤ۔ په دې موقعه په پاكستان كښې د ازبكستان سفير ٬ د سفارتخانې اعلی چارواكي او نور اعلی سركاري شخصيات هم موجود وو۔
