لاهور 03 نومبر (اے پي پي) د نجکارۍ وفاقي وزير عبدالعليم خان ووئيل پي آئي اے قومي اثاثه ده، په داسې كمه بيعه ئې نه شو خرڅولې،چا چې زمونږ ډيمانډ پوره كړو هغه به پي آ ئي ا ے اخلي۔د دې خيالاتو څرګندونه ده د اتوار په ورځ پرېس کنفرنس ته وينا كښې وكړه۔وفاقي وزيرعبدالعليم خان ووئيل د پي آئي اے د نجکارۍ عمل روان دے،زما په ذمه پي آ ئي اے سمول نه دي بلکه ما ته د دې ادارې د نجکارۍ كار سپارلې شوي دے ،تر څو چې د پي آئي اے د خسارے خبره ده هغې كښې زما څه کردار نشته، دا دې وكتلے شي چې پي آئي اے ته زيان رسولو كښې چا چا کردار ترسره كړې۔ده ووئيل پي آئي اے نجکارۍ په اړه فريم ورك نګران حکومت په دور كښې جوړ شوې ؤ او فريم ورك كښې كوم بدلون زمونږ په اختيار كښې نه ؤ، د نجکارۍ يوه تګلاره وي د هغې له مخې مونږ كار كوو،ده ووئيل پي آئي اے نجکارۍ عمل زما راتللو څخه 6 مياشتي وړاندې پيل شوې ؤ،كوم عمل چې وړاندې پيل شوې ؤ په هغې كښې بدلون نه شو كولې،زه د خپلې ذمه وارۍ احساس لرم۔ده ووئيل څوك چې په ما تنقيد کوي، بايد هغوي هم خپله کارکردګي وښائي،قانون ترمخه چې ما ته اختيارات ترلاسه دي په هغې كښې دنن هكار كوم۔
