اسلام آباد۔22نومبر(اے پی پی) د قانون او انصاف وفاقي وزير سېنېټر اعظم نذیر تارړ سره منځني ختيز ٬ افغانستان او پاكستان لپاره د برطانېثي پارليمان انډر سېكرټري ملاقات وكړو۔ په ملاقات كښې بشري حقونو ٬ عدالتي اصلاحات او د ماحولياتي بدلونونو مخنيوي له د دوه اړخيزه همكاري مضبوطولو ته پام وګرځولے شو۔ د جمعې په ورځ د بشري حقونو وزارت لخوا د جاري شوي پرېس ريليز له مخې په دې موقع سېنېټر اعظم نذير تارړ د بشري حقونو په څانګه كښې د پاكستان په پېشرفت رڼا واچوله۔ ده په خاص توګه بشري حقونو لپاره د قامي اېكشن پلان ذكر وكړو كوم چې پالېسي اصلاحات او په نړيوالو لوظنامو عملدرآمد لپاره يوه مضبوطه تګلاره برابروي۔ په ملاقات كښې د پاکستان د آئین آرټیکل 20 څخه تر 36 لاندې د اقليتونو د حقونو په فعاله تحفظ خبرې وشوې۔ د ماحولياتي بدلون په اړه وفاقي وزير د برطانېي پلاوې د اوسني بدلون په اړه خبر كړو د كوم له مخې چې د صفا ٬ صحت مند او تلپاتي چاپېريال بنيادي حق ګرځولے شوے۔ همېش فالکنر بشري حقونو او د عدالتي نظام ښه كولو له د پاكستان د فعاله اقداماتو ستائنه وكړه۔ د ملاقات په پايه كښې دواړو فريقو زيات شموليت لرونكې او يو برابر ټولنې ته ودې وركولو له د دوه اړخيزه مرستې عزم تكرار كړو۔
