حېدر آباد 05 مارچ (اے پي پي) د پاكستان تحريك انصاف سينئر وائس چيئرمېن او خارجه وزير شاه محمود قريشي وئيلي دي چې د كشمير په مسئله سنجيده كار مونږ كړے، كه كراچې محرومې سره مخ ده نو د دې ذمه وار زرداري راج دے، كه په جزيرو كار ته پرېښودل شوي وو نو غېر ملكي سرمايه كاري به راغلې وه او ګټه به ئې د سندھ اولس ته شوې وه، مونږ ليكلي وركولې شو چې سمندري جزيرې به د سندھ ملكيت وي، پي ټي آئي هغه يواځنې ګوند دے كوم چې سوئيلي پنجاب صوبه په خپل منشور كښې شامله كړه، كه دې بلاول ګوند غواړي نو په اسمبلۍ كښې دې زمونږ ملګرتيا وكړي چې دغسې په آئيني توګه د سوئيلي پنجاب صوبه جوړه كړې شي. ده دا خبرې د حېدر آباد په ډيتها سيمه كښې د خاوند بخش په استوګنهه خبري كانفرنس ته د وېنا كولو په مهال وكړې. ده ووئيل چې د پېښور بمي چاودنه افسوس ناكه ده، دښمن پاكستان غېر مستحكم ليدل غواړي، د پي اېس اېل نه پس د هېواد غوره تشخص جوړ شوے. ده ووئيل چې د ټول سندھ اولس د پاكستان تحريك انصاف د سندھ حقوق مارچ ډاډګېرنه كړې ده. دا تاريخي ده. ده ووئيل چې په لويه شمېره اولس زمونږ خبره اورېدلې او اوس ئې هم اوري.
