اسلام آباد۔13دسمبر(اے پی پی) وزیراعظم شهباز شریف د پاكستان – تاجكستان جوائنټ كميشن غونډې په مهال د دواړو هيوادونو ترمينځه په بيلو څانګو كښې په شوي پيشرفت د اطمينان څرګندونه كولو سره د دواړو هېوادونو ترمينځه د تړون په ښه كولو او د همكارۍ په زياتولو زور راوړے دے۔ د وزيراعظم آفس پرېس ونګ لخوا د جاري شوي بيان له مخې وزيراعظم شهباز شريف سره د تاجکستان د توان وزير دلېر جمعه ، كوم چې د پاكستان -تاجکستان جوائنټ کمېشن غونډھ كښې ګډون لپاره د پاكستان په دوره دے ٬ د جمعې په ورځ ملاقات وكړو۔ وزيراعظم د ملاقات په مهال خپلو خبرو كښې د تاجكستان خپلې دورې او د تاجك صدر امام علي رحمان سره رياض او باكو كښې د خپلو ملاقاتونو ذكر كولو كښې تاجك صدر لپاره د خپلو نېكو هيلو څرګندونه وكړه۔ ده هيله َښكاره كړه چې تاجك صدر به ډېر زر د پاكستان دوره وكړي۔ وزیراعظم د خپلې دورې په مهال د دواړو هېوادونو ترمينځه په شوو لوظنامو او د تفاهم په يادښتونو د اطمينان څرګندونه كولو سره په دې خبره زور راورو چې د دواړو هېوادونو ترمينځه په لاس ليك شوو لوظنامو په وخت عملدرآمد سره به دوه اړخيزه اړيكې لا پياوړې كولو له مرسته ترلاسه شي۔ د تاجکستان وزیر په هركلي او مېلمستيا د وزيراعظم مننه وكړه او د دواړو هېوادونو ترمينځه د تړون په لا ښه كولو او د همكارۍ په لا زياتولو يۍ زور راوړو۔ په ملاقات كښې د كاسا 1000 په شمول د سيمه ايزو رابطو په نورو منصوبو هم بحث وشو۔ دواړو اړخونو د توان ٬ زده كړو او كركيلې په شمول بېلو څانګو كښې همكارۍ ته په ودې وركولو هم اتفاق وكړو۔ ملاقات كښې نائب وزيراعظم اسحاق ډار ٬ د سرمايه كارۍ او مواصلات وفاقي وزير عبد العليم خان ٬ د اقتصادي چارو وفاقي وزير احد خان چيمه ٬ د توان وفاقي وزير اوېس احمد لغاري ٬ د پټروليم وفاقي وزير مصدق ملك ٬ د وزيراعظم خاص مرستيال طارق فاطمي او نور اړوند افسران هم موجود وو۔
