اسلام آباد۔5دسمبر(اے پی پی) پاکستان په جمو وکشمیر کښې د کشمیریانو په ملکیتونو د هند لخوا په روانه قبضه اندېښنه څرګنده كړې په كومه كښې چې په كشتواړ ضلع كښې د 13 وګړو د جائيدادونو ضبط كول هم شامل دي۔ د خارجه دفتر وياندې ممتاز زهرا بلوچ د زيارت په ورځ په خپل اونيز بريفنګ كښې ووئيل د هند اقدامات د كشميريانو د زمكو او جائيدادونو د غصب كولو د روان كمپاين برخه ده دغسې چې كشميريان وځورولې او يرولې شي او هغوي ته د هغوي د سياسي نظريات سزا وركړې شي۔ دې ووئيل مونږ په هندي چارواكو زور راوړؤ چې هغوي د كشميريانو د املاكو د غصب كولو روان كمپاين ختم كړي او د يو قابض هېواد په توګه د خپلو نړيوالو ذمه وارو خيال اوساتي۔ وياندې ووئيل پاكستان به د ملګرو ملتونو د سلامتي كونسل د قراردادونو سره سم د جمو و كشمير د شخړې د منصفانه او سوله ايز حل لپاره د خپلو كشميريانو سياسي، سفارتي او اخلاقي ملاتړ روان ساتي۔
