اسلام آباد 17دسمبر (اے پي پي )د پاكستان او جاپان ترمينځه د خېبرپښتونخوا سېلاب ځپليو سيمو كښې د مور او بچي صحت ښه والي په اړه د ګرانټ په پراجيكټ لاس ليك وكړے شو ۔د جاپان حكومت به د جاپان انټرنېشنل كوآپرېشن ايجنسۍ(جائيكا)د لارې ياد شوے ګرانټ ان ايډ پراجيكټ لپاره 1.503 بلين جاپاني ين( 9.91 ملين امريكائي ډالر)وركوي٬د لوظ نامې د لاس ليك دستوره د نهې په ورځ د اقتصادي چارو وزارت كښې وشوه ۔د اقتصادي چارو وفاقي وزير احد چيمه منظورۍ نه پس د اقتصادي چارو سېكرټري ډاكټر كاظم نياز د پاكستان لخوا په لوظ نامه لاس ليك وكړو او د جاپان لخوا په پاكستان كښې موجود لنډ مهاله سفير تاكانو شوئچی پرې لاس ليك وكړو ۔د دې منصوبې مقصد د خېبرپښتونخوا صوبې سېلاب ځپليو سيمو كښې تشخيصي او د علاج نظام قوي كول دي۔ ګرانټ څخه د مور او بچي د صحت سره سره حامله مېرمنو او نو زېږېدلو ماشومانو لپاره طبي خذمات وركولو لپاره ضروري طبي آلات به باوري كولې شي كومو څخه به چې په سيمه ايزه كچه د صحت نظام ښه كولو له مرسته ترلاسه شي۔په دې موقع د اقتصادي چارو سېكرټري ډاكټر كاظم نياز ووئېل د اقتصادي چارو وفاقي وزير احمد چيمه په دې پروژه د جاپان حكومت مننه كولو سره سره عزم لري چې د مور او ماشوم د صحت خيال ساتلو كښې د ښه والي لپاره خېبرپښتونخوا كښې د سېلاب ځپليو او خوا او شا سيمو كښې د صحت خذمات ښه كړې شي ۔د دې نه علاوه د اقتصادي چارو سېكرټري د پروژې كامياب نفاذ باوري كولو او د دواړو ډلو ترمينځه نورې مرستې لپاره د ټولو ضروري آسانيو باور وركړو او د جاپان حكومت او اولس د قدر وړ خذمات يې وستائېل۔
