اسلام آباد۔9اگست(اے پی پی)وزیراعظم محمد شہباز شریف سمندر پار پاکستانیاں کیتے کئی پیکیجز دا اعلان کریندے آکھیے جو سمندر پار پاکستانیاں اپݨی قابلیت اتے صلاحیتاں منوا تے پاکستان دا ڄڳ اچ ناں اچا کیتے، بیرون ملک قومی خدمت تے حکومت انہاں کوں ہر ممکن سہولت ݙیسی۔ اے ڳالھ انہاں سمندر پار پاکستانیاں کیتے پیکیجز ݙیوݨ دی افتتاحی تقریب نال خطاب اچ آکھی۔ تقریب اچ وفاقی وزیر سمندر پار پاکستانیز ساجد حسین طوری اتے ٻئے وی موجود ہن۔ وزیراعظم آکھیا جو سمندر پار پاکستانیز شمالی امریکہ، یورپ، مشرق وسطیٰ، خلیج، مشرق بعید، مشرقی ایشیاء سودھا ڄڳ دے مختلف خطیاں اتے ملکاں اچ کم کریندے پن، ملک و قوم کیتے انہاں دیاں پر خلوص خدمتاں تے سلام پیش کریندے ہیں، بیرون ملک پاکستانیاں کوں پاکستان اچ سرمایہ کاری دے مواقع اتے سہولتاں ݙویڄن تاں انہاں دی حوصلہ افزائی ہوسی اتے پاکستان کوں وی ایندا فیدہ تھیسی۔
