اسلام آباد۔28اکتوبر (اے پي پي )د پارلیماني چارو او د قانون وزیر سینیټر اعظم نذیر تارړ وئېلې دي د روس او پاکستان اړېكې بېلا بېلو څانګو كښې په نزدې مرسته اډاڼه دي، د دواړو هېوادونو تر مينځه د توان او مواصلات بشمول د بېلو منصوبو په مرسته كار كېږي ، پاکستان د سيمه ايز او نړيوال امن و استحکام لپاره د روس سره په ګډه كار كول غواړي ۔ د ګل په ورځ د سېنېټ په غونډه كښې د روس د فیډریشن کونسل سپیکر ویلنټینا آئي مټوینکو د خطاب په مننه كولو كښې ده ووئېل د روسي فیډریشن د سپیکر سېنېټ ته خطاب خوش آئند دے، د هغوي د پلاوي سېنېټ ته راتګ او د دوي كوربه توب كول د درناوي خبره ده ، دا د پاک۔ روس اړيكو يوه غوره لمحه ده ،ده ووئېل د سینیټ آف پاکستان د اړخه د ګرانو مېلمنو د خبرو او راتګ شکرګزار يوو كومې چې د دواړو هېوادونو د دوستۍ او مرستې عکاس دي ، ده ووئېل دا د دواړو هېوادونو تر مينځه د بین الپارلیماني اړيكو د يو نوي باب آغاز دے ۔ ده ووئېل مونږ د سینیټ آف پاکستان او د روس فیډریشن کونسل سره د مفاهمت په یادداښت لاس ليك كړے دے٬ دا لوظ نامه به د دواړو هېوادونو تر مينځه د پارلمانونو تر مينځه د نزدې مرستې لا زياتولو له مرستياله وګرځي۔
