اسلا م آباد۔8 نومبر(اے پی پی) د پاكستان او ابوظهبي پورټس كمپنۍ ترمينځه د ريلوے ٬ كسټمز ٬ ايئر پورټ انفراسټركچر او سمندري چارو په شمول بيلوڅانګو كښې همكارۍ له د تفاهم 4 يادښتونه لاسليك شوي۔ د جمعې په ورځ په وزيراعظم هاؤس كښې يادښتونه لاسليك كولو له يوه دستوره وشوه۔ وزيراعظم په اېم او يو د لاسليك دستوره كښې ګډون وكړو۔ په دې موقع ډپټی وزیراعظم او خارجه وزير سېنېټر اسحاق ډار ، د اطلاعات وفاقي وزیر عطاء تارړ ، دفاع وزير خواجه محمد آصف، د تجارت وفاقی وزیر جام کمال ، د سمندري چارو وفاقی وزیر قېصر احمد شیخ ، د وزیراعظم خصوصي مرستيال طارق فاطمي ٬ د متحده امارات د خارجه تجارت وزير ډاکټر ثاني بن احمد الزویدي ، د کاهیل ګروپ چیئرمین احمد دلموک المکتوم، د اېم ډي او ګروپ چیف اېګزېکټو آفیسر، د ابوظهبی پورټس ګروپ، کېپټن الشمیسي، په پاكستان كښې د متحده عرب امارات سفير عبېد ابراهیم سالم الزابي او د ابوظهبي پورټس سینئر چارواكي هم موجود وو۔ کوهاټ-تھر-کھرلاچي رېلوے لائن جوړولو له د پاکستان رېلوېز او ابو ظهبی پورټس كمپنۍ ترمينځه د تفاهم يادښت لاسليك كړے شو۔ دا يادښت د پاكستان لخوا د پاکستان رېلوېز سي اي او عامر علي بلوچ او منېجنګ ډائرېکټر او ګروپ چیف اېګزېکټو آفیسر ابوظهبی پورټس ګروپ، کېپټن الشمیسی لاسليك كړو۔ د پاكستان كسټمز په محصولات كښې زياتوالي، د ټرانزټ کارګو ټرېکنګ او نورو اصلاحاتو لپاره د اېف بی آر او ابو ظهبی پورټس کمپنۍ ترمينځه د تفاهم يادښت د پاكستان لخوا ممبر کسټم اېنډ آپریشنز محمد جنید جلیل خان او د ابوظهبي پورټس ګروپ لخوا کېپټن الشمیسی لاسليك كړو۔ شپنګ ډرېجنګ او نورو سمندري چارو كښې همكارۍ لپاره د پاکستان نېشنل شپنګ کارپورېشن کراچی پورټ ټرسټ او د ابو ظهبی پورټس کمپنۍ ترمينځه اېم او يو د پاكستان لخوا اېګزېکټو ډائرېکټر پاکستان نېشنل شېپنګ کارپوریشن خرم مرزا او د ابوظهبی پورټس کمپنۍ لخوا کېپټن الشمیسی لاسليك كړو ۔ په پاكستان كښې د ائیرپورټس جوړولو او پراختيا لپاره د پاکستان ائیرپورټس اتھارټي او ابوظهبي پورټس کمپنۍ ترمينځه د تفاهم يادښت د پاكستان لخوا ډپټی ډي جي پاكستان ائیر پورټ اتھارټي صادق الرحمان او د ابوظهبی پورټس کمپنۍ لخوا کېپټن الشمیسی لاس ليك كړو۔ وروستو د پاكستان او ابوظهبي پورټس كمپنۍ ترمينځه د لاسليك كړو اېم او يوزو تبادله هم وكړې شوه۔
