واشنګټن۔11دسمبر(اے پی پی) په امريكا كښې د پاكستان سفير رضوان سعيد شيخ د نهې په ورځ په كېپټل هل كښې د امريكې كانګريس نورو څلورو غړو سره جلا جلا ملاقاتونه كړي ۔ په دې ملاقاتونو كښې د دواړو هېوادونو ترمينځه سرمايه كارۍ او تجارت ته د ودې وركولو په امكانات د خيالاتو څرګندونه شوې ۔ په واشنګټن كښې د پاكستان سفارت لخوا د جاري شوي بيان له مخې د امريكائي كانګريس ریپبلکن غړي رچ میک کارمک سره ملاقات كښې د پاكستان سفير د پاك امريكا اړيكو په لا مضبوطولو د خيالاتو څرګندونه وكړه۔ په دې موقع دوئي د سيمې او نړيوال اهميت په چارو هم خبرې وكړې۔ د کانګرېس ډېموکرېټ غړي جېسمین کروکټ سره ملاقات كښې په دوه اړخيزه اړيكو او د پاك امريكا ترمينځه په اولسي كچه د تړون په تګلارو د خيالاتو څرګندونه وشوه۔ پاکستاني سفیر په راروان كال 2025 كښې د ټېکساس يو تجارتي پلاوي ته د پاكستان دورې كولو بلنه هم وركړه كومه چې جېسمین کروکټ په اصولي توګه قبول كړه۔ د سفیر رضوان سعید شېخ او د كانګريس ریپبلکن غړي ارل بډی کارټر ترمينځه ملاقات كښې دوه اړخيزه اړيكو سره سره په اقتصادي مېدان كښې جارجيا ايالت سره د همكارۍ د امكانات جاج واغستلے شو۔ پاکستاني سفیر ریپبلکن غړي نیل ډن سره هم ملاقات وكړو په كوم كښې چی په دوه اړخيزه اړيكو د خيالاتو څرګندونه وشوه۔ په دې موقع فلورېډا سره د تجارت، سرمایه كارۍ ، آئي ټي او د كركيلې په څانګو كښې د مرستې په زياتولو خبرې وشوې
