اسلام آباد ۔ 16 دسمبر (اے پی پی) وزیر اعظم دے معاون خصوصی برائے خارجہ امور طارق فاطمی آکھیاجو پاکستان نومنتخب امریکہ صدر اتے انہاں دی ٹیم نال نیڑے کم کرنڑ دی خواہش رکھیندے،دورہ امریکہ دا بنیادی مقصد سبکدوش تھیونڑ آلی امریکہ انتظامیہ نال اجوکے ڈو پاسہ تعلقات اچ پیشرفت دا جاگھنڑ اتے نویں امریکہ انتظامیہ نال رابطہ ودھاونڑ اے،ہک خودمختار ملک ہوونڑ دے ناطے پاکستان آپنڑی اقتصادی ،آپریشنل حدود اتے بئی صلاحیتی رکاوٹاں کوں مد نظر رکھیندیں ہوئیں انسداد دہشت گردی کوششاں دے پیمانے اتے رفتار دا فیصلہ کریسی۔دفتر خارجہ دے ترجمان دے مطابق معاون خصوصی طارق فاطمی اے گالھیں آپنڑے اجوکے دورہ امریکہ وچال گزریل ڈینھ واشنگٹن اچ پاکستانی سفارتخانے اچ میڈیا کوں بریفنگ ڈیندیں ہوئیں آکھی۔
