ڪراچي_30 ڊسمبر (اي پي پي) صدر مملڪت ڊاڪٽر عارف علوي سان جي ڊي سي جي چيئرمين شيخ حسن ،جنرل سيڪريٽري ظفر عباس، ايڊيشنل سيڪريٽري سجاد وحيد ۽ ٻين گورنر هائوس ۾ ملاقات ڪئي. ان موقعي تي جنرل سيڪريٽري ظفر عباس صدر مملڪت ڊاڪٽر عارف علوي کي جي ڊي سي پاران ڪراچي ۾ 50 فري ڊائيلاسز جي تيزي سان تياري ۽ مفت علاج، جي ڊي سي دسترخوان ۽ ٻين خدمتن بابت آگاهي ڏني جنهن تي صدر مملڪت ڊاڪٽر عارف علوي جي ڊي سي جي سڀني ڀلائي جي ڪمن جي واکاڻ ڪئي ۽ پنهنجي سهڪار جي خاطري ڪرائي. جي ڊي سي جي جاري ڪيل پريس رليز موجب صدر مملڪت حڪومت جي احساس پروگرام جي مختلف اسڪيمن جو ذڪر ڪيو. هن خانگي شعبي تي زور ڀريو ته هو بيروزگار نوجوانن لاءِ نوڪرين جا موقعا پيدا ڪري . ان موقعي تي جي ڊي سي پاران صدر مملڪت ڊاڪٽر علوي کي يادگاري شيلڊ پڻ پيش ڪئي.
