اسلام آباد۔20 اکتوبر(اے پی پی) نائب وزیراعظم او خارجه وزير سېنېټر اسحاق ډار وئيلي دي چې نن يوه تاريخي ورځ ده ٬ نن د ميثاق جمهوريت ايجنډا بشپړ شوه۔ د اتوار په ورځ په سېنېټ كښې خپلو خبرو كښې ده ووئيل د میثاق جمهوریت لاندې د آئيني بدلون نيمګړے كار مو بشپړ كړے دے٬ ددې اقدام مقصد جمهوري عمل مضبوطول او قامي اتفاق رايې ته وده وركول دي۔ ده ووئيل چې نن يوه تاريخي ورځ ده ٬ نن د ميثاق جمهوريت ايجنډا بشپړ شوه۔ ده ووئيل په خصوصي كمېټۍ كښې عامر ډوګر هم د آئيني بدلونونو په يوه خله منظورۍ كښې شامل ؤ۔ ده ووئيل آئيني بدلونونه د چا ذاتي ايجنډا نه ده۔ ده ووئيل زه د ټولو اتحادي ګوندونو مننه كوم كومو چې په ښه ډول دې قانون سازۍ كښې مرسته وكړه۔
