اسلام آباد 25 دسمبر(اے پي پي) په ټول هېواد كښې د بابائے قوم قائداعظم محمد علي جناح د ولادت ورځ په بشپړه توګه دې عزم سره ولمانځل شوه د قائد وژن عملي كولو سره به د پاكستان پرمختګ او خوشحالې لپاره سخت محنت كولې شي او خوږ وطن به عظيم هېواد جوړولې شي. د قائد د سالګرې په ورځ د عامې رخصتې اعلان شوے و، په ټول هېواد كښې په مهمو سركاري ودانيو قومي بېرغ هسك كړے شو. ورځ د سهار لمونځ نه پس د هېواد سلامتيا ، پرمختګ او خوشحالې لپاره دعاګانو سره پېل شوه. د دې ورځې په مناسبت او قائد ته د عقيدت پېرزوينې وړاندې كولو لپاره په ټول هېواد كښې بېلا بېلې دستورې وشوې. په مزار قائد د ګارډ د بدلون دستوره وشوه. په ايوان صدر كښې هم په دې لړ كښې دستوره وشوه. دستورې ته صدر مملكت ډاكټر عارف علوي وېنا هم وكړه. د هېواد په ټولو وړو لويو ښارونو كښې د قائد ورځ په بشپړه توګه لمانځلو لپاره خاص دستورې وشوې.
