اسلام آباد۔15نومبر(اے پی پی) د قامي اسمبلۍ سپيكر سردار اياز صادق د بابا ګورو نانك د زېږېدنې ورځې په موقعه د پاكستان په شمول په ګرده نړۍ كښې ژوند كوؤنكې سكھ ورورولۍ له مباركي وركړې ده۔ د جمعې په ورځ د قامي اسمبلۍ سېكرټرېټ لخوا په جاري شوي بيان كښې د قامي اسمبلۍ سپيكر ووئيل بابا ګورو نانک انسانيت سره د مينې ٬ امن ٬ ورورولۍ او مساوات درس وركړو، هغه د مذهبي روادارۍ ٬ بېن المذاهب همغږۍ او د امن داعي ؤ۔ سردار ایاز صادق ووئيل د بابا ګورونانک د زېږېدنې ورځې دستورو كښې ګډون كولو له ګردې نړۍ څخه راغلې سكھ ياتريانو ته په پاكستان كښې هركلې وايوو۔ ده ووئيل د پاكستان آئين اقليتونو ته د خپلې عقيدې له مخې د ژوند كولو او د مذهبي رسمونو لمانځلو بشپړه آزادي وركوي۔ ده ووئيل په پاكستان كښې ژوند كوؤنكو ټولو اقليتونو ته يو برابر حقونه تر لاسه دي۔ ده ووئيل سکھ ورورولۍ سره تعلق لرونكې پاكستانيان د هېواد تعمير او پرمختګ لپاره د ستائنې وړ كردار ترسره كوي۔
