پنډۍ۔4 دسمبر(اے پی پی) د جوائنټ چیفس آف سټاف کمېټۍ چیئرمېن جنرل ساحر شمشاد مرزا د عراق دورې په مهال وزیراعظم اېم شیاع السودانی، وزیر دفاع ثابت اېم سعید العباسی، داخله وزير عبد الامیر الشمری او چیف آف ډیفنس فورسز جنرل عبد الامیر رشید یار سره ملاقات وكړو۔ د آئي اېس پي آر له مخې د دغه ملاقاتونو په مهال د امنيت ٬ دفاعي مرستې او سيمه ايز چاپېريال په شمول د شريكې خوښې په نورو چارو د خيالاتو څرګندونه وشوه۔ دواړو اړخونو دوه اړخيزه پوځي مرستې ته د پراختيا وركولو تګلارو جاج واغست او دفاعي اړيكې مضبوطولو له يۍ د عزم پخلے وكړو۔عراقی سول او عسکری مشرتابه د پاكستاني وسله والو ځواكونو د پېشه ورو صلاحيتونو ستائنه او د ترهګرۍ په ضد جنګ كښې ددوئي د قربانيو اعتراف وكړو۔ دې څخه وړاندې د عراقي وسله والو ځواكونو هېډکوارټر ته په رسېدو د جوائنټ چیفس آف سټاف کمېټۍ چيئرمېن ته يوې چمتؤ ډلې ګارډ آف آنر وړاندے كړو۔
